【蘋果日報】隔牆有耳：教主下旨 馬草泥出擊九龍西

江湖傳聞，人民力量近日氣勢勁，教主喺九龍西贏到開巷係必然嘅事；佢一個人攞一個位，要咁多票，冇用嘅，票王虛銜啫，有人覺得教主不如帶挈吓啲細好過啦。之前有人提議九西開多條隊，如果可以託教主鴻福，隨時攞多一席，不過講唔掂數。

近日有人又醞釀呢個分隊方案，馬草泥蠢蠢欲動，據聞佢已搞掂綠卡問題，目前萬事俱備，只欠東風。至於東風幾時吹，佢同八方一樣，未知道。熟悉選情人士指，教主在九西好穩陣，9月去九東全力捧皇上，九西交由馬草泥打拼，擸啲民主黨同右派票，有機會攞多一席。