大班毓民開咪 還聲於民

封咪八年，大班（箭嘴示）再開咪再戰江湖，還聲於民。


大班鄭經翰同黃毓民兩位商台名嘴當年先後被迫封咪，震撼一時，掀起封殺言論自由嘅白色恐怖。事隔八年，大班噚日宣佈將會喺佢揸弗嘅 DBC數碼一台重新開咪，呢個聽朝開始啟播嘅節目叫做《風波裡的茶杯~還聲於民》，單係聽個節目名，令人諗起大班曾經有「十點前特首」呢個綽號。

當年大班鬧官員係狗官，今時今日仲有冇咁嘅氣魄？佢話經過咁多年，人係成長咗，但係社會係偽善嘅，佢對狼
振英做特首好有保留，假若 CY領導嘅政府有狗官，都要照鬧。

大班噚日請咗好多廣播界老友同其他節目主持到場造勢，有同佢一齊被商台掃出門嘅毓民，亦有梁思浩、陳海琪同洪朝豐等等，大班數數吓，仲自嘲話 DBC係收留最多曾被封咪名嘴嘅電台。